Certifikimi i zytarëve policorë në dy njësi elitare, NJSI dhe NJSO
Në kampin “Vrella”, sot është zhvilluar ceremonia e certifikimit të zyrtarëve të njësiteve elite të Policisë së Kosovës.
![](https://lajmi.net/wp-content/uploads/2022/05/281561818_296182119388720_2458053002837905911_n.jpg)
Lajme
Kjo ceremoni është realizuar pas një trajnimi profesional dhe mjaft sfidues për zyrtarët policorë, por edhe motivues për të gjithë ata që arritën sot ditën e certifikimit, përfshirë edhe certifikimin e instruktorëve trajnues.
Ceremonia ishte për certifikimin e zyrtarëve të njësive elitare si: Njësiti Special Intervenues (NJSI), si dhe Njësia Speciale Operative (NJSO), transmeton lajmi.net.
Postimi i plotë:
Sot më 16.05.2022, në kampin e Njësive Speciale të Policisë së Kosovës në Vrellë, u mbajt ceremonia e certifikimit të zyrtarëve të njësiteve elite të Policisë së Kosovës, përkatësisht Njësitit Special Intervenues (NJSI) dhe Njësisë Speciale Operative (NJSO).
Kjo ceremoni u realizua pas një trajnimi profesional mjaft sfidues për zyrtarët policorë, por edhe motivues për të gjithë ata që arritën sot ditën e certifikimit, përfshirë edhe certifikimin e instruktorëve trajnues.
Në ceremoni, zyrtarëve policorë me nga një fjalë rasti iu drejtuan Ministri i MPB-së z. Xhelal Sveçla, drejtori i përgjithshëm i Policisë së Kosovës z. Samedin Mehmeti dhe znj. Kimberly Riffe nga ICITAP-i amerikan, të cilët vlerësuan lartë arritjet profesionale të zyrtarëve policorë si dhe i uruan me rastin e certifikimit dhe bashkëngjitjes së tyre me njësitet elitare të PK-së.