Lojtari i Real Madrid, Dani Ceballos, i cili luan si i huazuar tek Arsenal, duket se tashmë ka marrë vendimin sa i përket të ardhmes së tij.

‘The Athletic’ shkruan se Ceballos ka pranuar se do të qëndrojë tek Arsenal për pjesën e mbetur të sezonit dhe nuk do të kthehet në Spanjë, transmeton lajmi.net.

Ceballos i bashkohej Arsenalit në një marrëveshje huazimi nga Real Madrid, por ka hasur në vështirësi që të gjej kohë të rregullt loje gjatë gjysmës së parë të sezonit.

Lojtari planifikonte që të kthehej në La Liga, por duket se situata ka ndryshuar. Mikel Arteta thuhet të jetë i vendosur të mbajë lojtarin në skuadër, dhe ky i fundit thuhet të jetë pajtuar për qëndrim. /Lajmi.net/