Ndryshimet e ligjit me të cilin sanksionohet pjesëmarrja në konflikte të armatosura në anë të njësive ushtarake, paraushtarake apo parapolicore kanë hyrë në fuqi nga 17 qershori në bazë të vendimit të parlamentit të këtij vendi, që është publikuar sot në gazetën zyrtare.

Arsye e drejtpërdrejt e ndryshimit të ligjit është fakti që dhjetëra shtetas të BeH-së kanë marrë pjesë në luftimet në Siri, të rreshtuar në radhët njësive ekstremiste islamike.

Sipas gazetës Dnevni avaz, janë regjistruar të paktën 80 qytetarë të këtij vendi që luftojnë në Siri. Supozohet se mbi 20 syresh janë vrarë, kurse rreth 40 prej tyre janë kthyer në BeH.

Dënimet me burg deri në 5 vjet i presin edhe organizatorët e rekrutimit dhe dërgimit  të luftëtarëve të tillë, ose i stërvitin ata për konflikte të armatosura jashtë vendit.

Nuk do të shpëtojnë nga burgimi as ata që thërrasin ose promovojnë shkuarjen në luftë. Deri në 4 vjet burg do të dënohen ata që promovojnë nëpër medie shkuarjen në arena lufte jashtë vendit.