Bie nga sistemi Instagrami, përdoruesit nuk po mund të ngarkojnë foto

16:12 | 3 Korrik 2019

Facebook, Instagram dhe WhatsApp ka rënë nga sistemi në disa vende të Evropës.

Qindra përdorues janë ankuar se statuset, fotografitë dhe videot në kryefaqet e aplikacioneve nuk po ngarkohen, transmeton lajmi.net.

Ndjekësi i trafikut online ‘Down Detector’ filloi rregjistrimin e qindra ankesave në lidhje me Instagramin në orën 14 pasdite të së mërkurës.

Ankesat lidheshin kryesisht me mos-ngarkim të kryefaqes së Instagramit, si dhe rrjeteve të tjera sociale nën pronësi të ‘Facebook’. Megjithatë, përdoruesit u ankuan gjithashtu se nuk po mund të kyçeshin dot.

Facebook nuk ka lëshuar ndonjë përgjigje zyrtare rreth ndërprerjes. /Lajmi.net/