“Besoni viktimën, jo abuzuesin”, Tuna me mesazh të fuqishëm pas protestës në Tiranë

ShowBiz

05/06/2020 19:18

Përdhunimi i të miturës 15-vjeçare nga roja i shkollës 65-vjeç ka shkaktuar debat publik, shkruan lajmi.net.

Dje (e enjte) u marshua me moton “Për fëmijërinë e vjedhur”, ku disa prej fytyrave publike iu bashkuan protestuesve.

Edhe pse disa prej tyre nuk kishin mundësi që të ishin pjesë e protestës, përmes rrjeteve sociale përquan mesazhe të fuqishme.

Mes tyre është edhe këngëtarja Tuna Sejdiu, e cila thotë se abuzimi i femrave në Shqipëri nuk është lajm i ir, andaj frikë e turp duhet të ndjejnë abuzuesit e jo viktimat.

KY ËSHTË POSTIMI I PLOTË I TUNËS, PA NDËRHYRJE:

“Besoni Viktimën jo Abuzuesin❗️ Abuzimi i femrave ne Shqipëri nuk është lajm i ri. Femrat abuzohen çdo ditë. Në familje, shoqëri, punë e shkollë. Femrat abuzohen që kur lindin, që kur u thuhet “të ka baba çun” se ky është kompliment!
Femrat abuzohen sa herë që ju thuhet “Ai nuk ka faj, ai është mashkull, ai atë natyrë ka! Por ti ki kujdes! Ti mos…” Femrave ju thuhet vetëm “Mos”! Mos kthe fjalë se je femër! Mos shaj! Mos u vish kështu, mos u ashtu! Se po i bere këto e të përdhunuan fajin e ke ti!
Femrat ne i abuzojmë sa herë që kriminelë që i përdhunojnë, rrahin, shantazhojnë i nxjerrim të lirë rrugëve. U japim një mundësi të dytë, të tretë, të katërt, për të krijuar më shumë viktima! Kurse femrat që u abuzuan i damkosim si “kurva”. Kjo duhet të marrë fund! Turp nuk duhet të ketë viktima, duhet të ketë abuzuesi! Frikë nuk duhet të ketë viktima duhet të ketë abuzuesi! Nuk duhet të mësohet femra të ketë kujdes, duhet të mësohen meshkujt që trupat e femrave nuk janë pronat e tyre private.
Boll e trajtuam përdhunimin e pedofilinë si vese! Janë krime e si të tilla duhen dënuar e gjykuar, moralisht e ligjërisht!?”. /Lajmi.net/

https://www.instagram.com/p/CBD56rBlvXL/