Krijuesi i kufjeve të kualitetit të lartë Beats Electronics, i cili kohëve të fundit është blerë nga gjigandi i teknologjisë Apple për $3 miliardë, ka lansuar një produkt të ri të kufjeve.

Kufjet e quajtura PowerBeats 2 janë modeli i parë që kompania i ka bërë në versionin Wireless.

Kufjet e reja PowerBeats 2 me Wireless janë shumë të përshtatshme për njerëzit që dëshirojnë të kënaqen me dëgjimin e muzikës edhe gjatë punës apo ushtrimeve në palestër.

Kufjet janë shumë të lehta në peshë dhe janë të qëndrueshme ndaj ujit.

Me çmim $200, kufjet e reja PowerBeats 2 janë tashmë të gatshme për tu blerë online në ngjyrë të zezë, të bardhë dhe të kuqe.

Kufjet e reja do ta eleminojnë menjëherë nevojën e kabllos për të dëgjuar muzikë, e cila shpesh mund të jetë e mërzitshme pasi që ngatërrohet në makinat për ushtrime dhe nëpër duar.

Kufjet gjithashtu vijnë edhe në madhësi të ndryshme.