Bayern Munich do të jetë pa mesfushorin Arjen Robben në vazhdim të vitit për shkak të një lëndimi të yllit holandez.

Robben shënoi golin e parë të fitores 2:0 ndaj Augsburgut të mërkurën mbrëma në Kupën e Gjermanisë por u desh të largohet nga fusha pas vetëm 16 minutash lojë kur pësoi dëmtim pas ndërhyrjes nga Marwin Hitz.

Kampioni i Bundesligës fillimisht shpresoi se bëhet fjalë për lëndim të natyrës së lehtë, por babai i 29-vjeçarit, njëkohësisht menaxheri i tij ka njoftuar se Robben do të mungojë në vazhdim të vitit.

“Ai nuk do të luajë më para pushimit dimëror”, deklaroi Hans Robben për NOS. Robben – i cili ka shënuar 13 gola në 20 paraqitje për Bayernin këtë edicion – ka shprehur dëshpërimin e tij pas lëndimit.

“Pa dyshim se jam i dëshpëruar. Isha në formë të mirë, por do të kthehem dhe do të vazhdojë të realizojë gola”, deklaroi ai.

Bayern ka konfirmuar se Robben do të mungojë për gjashtë javë, lajm i keq për klubin, por i mirë për yllin kosovar Xherdan Shaqiri i cili është shumë pranë rikthimit nga dëmtimi dhe mund ta zë vendin e holandezit në formacionin bazë.