Deputetët janë mbledhur sot për të miratuar projektligjin në parim për energjinë-elektrike.

E në këtë komision një përplasje pati deputeti i PDK-së, Ferat Shala me ministrin e Ekonomisë, Artane Rizvanolli e që lidhej pikërisht me KOST-in.

Pas kësaj derisa deputeti Shala deshi që t’i kundërpërgjigjet ministres Rizvanolli kryesuesja e komisionit Rozeta Hajdari refuzonte.

E pas kësaj në momentin kur Shala arriti të marrë fjalën, deklaroi se s’po e kupton se ku ishte problemi që vazhdimisht tentoi që t’ia pamundësonte marrjen e fjalës.

“Unë kam qenë zv/ministër e ministër e jam qe sa kohë edhe këtu në Kuvend e nëpër deputete por ju po flisni për mendësi.Unë me të vërtetë nuk po e di ku ju preka aq shumë që u shqetësuar.Por unë kurrë nuk e kam mendu kur jemi tek mendësitë që një parti e bjen këtu në krye të komisionit një njeri që është me aktakuzë.Na s’po dojmë më me fol për mendësinë, sepse në krye të komisionit e kemi sot personin që është me aktakuzë e më flasin mua për mendësi derisa unë jam këtu në Komision me fytyrë derisa ju na sjellni njerëz me aktakuza e sot Kosova është pa rezerva”deklaroi Shala./Lajmi.net/