Barcelona kërkon huazimin e Sterlingut
Gjiganti spanjoll është duke u përballur me shumë probleme në repartin e sulmit.
Sport
Barcelona momentalisht ka shumë pak opsione në sulm pasi janë të lënduar futbollistë si Sergio Aguero, Ousmane Dembele e Martin Braithwaite, transmeton lajmi.net.
Kjo ka shtyerë drejtuesit e klubit që të fillojnë kërkimet për opsione të reja në këtë repart.
Sipas gazetës ‘SPORT’, ‘Blaugranët’ po mendojnë huazimin e futbollistit të Man Cityt, Raheem Sterling.
Sterling ka humbur vendin startues në formacionin e Pep Guardiolas dhe thuhet se është i hapur për një largim në merkaton e janarit.
Sulmuesi dëshiron të kalojë Spanjë ku do të ketë më shumë minuta dhe do të luajë së bashku me ish-shokun e skuadrës, Agueron. /Lajmi.net/