Ballkani do të ndeshet me Klasvikarin në kuadër të raundit të tretë të kualifikimeve për në fazën e grupeve të Conference League.

Ndeshja do të luhet nesër më fillim nga ora 20:00, në stadiumin “Fadil Vokrri”.

Për ata që nuk do të jenë të pranishëm në stadium, kjo përballje do të transmetohet në Radio Televizionin e Kosovës.

Ballkani, për të mbërritur deri në këtë fazë, mposhti skuadrën e La Fioritas me rezultat të përgjithshëm 10-0, pasi paraprakisht u eliminua në raundin e parë të kualifikimeve për në Champions League nga Zalgiris.

Në anën tjetër, Klasvikar në raundin e dytë e kaloi skuadrën e Sutjeskas. /Lajmi.net/