Real Madrid ka mohuar frikën rreth gjendjes fizike të përforcimit të ri Gareth Bale duke mohuar njoftimet se mesfushori duhet t’i nënshtrohet një operacioni në diskun e hernisë.

Sipas medieve spanjolle, Bale – i cili u bë futbollisti më i shtrenjtë në botë kur iu bashkua Realit nga Tottenham për 100 milionë euro në shtator – mund të mungojë për një kohë të gjatë pas një dëmtimi në shpinë.

Mirëpo, klubi ka sqaruar se Bale vuan vetëm nga një “problem i vogël në disk”.

Ylli uellsian ka vuajtur nga një problem në kofshë që i ka pamundësuar të bëjë më tepër se një paraqitje si titullar për Realin, në barazimin 2-2 me Villarrealin më 14 shtator.