Chelsea është shumë pranë transferimit të sulmuesit Diego Costa. Ylli i Atletico Madridit ka kryer testet mjekësore dhe ka mbetur vetëm konfirmimi i kalimit të tij në Stamfor Bridge.

Por, gjiganti londinez po ashtu konsiderohet si favorit për transferimin e mesfushorit të Barcelonës, Cesc Fabregas.

Andaj, ku do të zënë vend kjo dyshe në formacionin bazë të Jose Mourinhos?

Pas krijimit të epitetit të skuadrës që ‘parkon autobusin’ në edicionin e kaluar, ish kapiteni i Arsenalit, Fabregas mund ta gjejë vetën në një rol të tërhequr, thellë prapa në mesfushë, gjatë ndeshjeve vendimtare të Chelseas në edicionin e ardhshëm.

Ndërsa, Costa do ta zë vendin e Fernando Torresit në sulm, por krejtësisht i vetmuar. Në portë është paraqitur Thibaut Courtois, që kërkohet të rikthehet nga huazimi në Atletico Madrid.

Tabloidi britanik Metro ka bërë shaka, andaj tifozët e Chelseas nuk duhet të hidhërohen. Jemi të sigurt se Mourinho e ka menduar shumë mirë strategjinë e re, me përforcimet e reja.