Austria krijon aplikacionin Stopp Corona, ky është funksioni i tij

Aplikacioni ""Stopp Corona" pritet të lansohet në Austri.

Auto & Tek

01/04/2020 08:57

Në Austri, Kryqi i Kuq po fillon një aplikacion për smartphone, të quajtur Stopp Corona, i cili ndihmon përdoruesit të mbajnë një ditar dixhital anonim të njerëzve me të cilët kanë pasur kontakte, raporton “Bbc”, transmeton lajmi.net.

Gerry Foitik, nga bordi drejtues i Kryqit të Kuq të Austrisë, thotë se aplikacioni synon të zvogëlojë sojin e shërbimeve mjekësore. Ai thotë se përdoruesit kryejnë një shtrëngim dore dixhitale.

“Kurdo që të keni një kontakt të ngushtë, mund ta regjistroni këtë me dorë dhe në mënyrë anonime, kështu që nëse infektoheni nga koronavirusi, ju mund të informoni në mënyrë anonime të gjitha kontaktet tuaja nga 48 orët e fundit, dhe ato mund të izolohen për të prishur zinxhirin e infeksionit. ”

Aktivisti austriak për mbrojtjen e të dhënave Max Schrems thotë se aplikacioni nuk është anonim – pasi secilit person i jepet një numër ID, por ai thotë se nuk paraqet probleme të veçanta kur bëhet fjalë për ligjet e privatësisë të BE-së.

Schrems gjithashtu thotë se ligji evropian për mbrojtjen e të dhënave, GDPR, “parashikon përcjelljen dhe përpunimin e të dhënave për incidente shëndetësore ndërkombëtare”.

“Ne duhet të shohim se si jemi në pajtim me parimet e ligjit për t’u siguruar që pushtimi i intimitetit është i kufizuar në atë që është absolutisht e nevojshme”. /Lajmi.net/