Atletico Madrid shfaq interesim për Silvan

9:52 | 1 Gusht 2021

Klubi spanjoll është në kërkim të një sulmuesi për sezonin e ardhshëm.

Sipas gazetës ‘AS’, Atletico Madrid po synon transferimin e Bernardo Silvës gjatë afatit kalimtar të verës, transmeton lajmi.net.

Kampioni i Spanjës është në kërkim të përforcoj repartin e sulmit, dhe duket se ja ka vënë syrin futbollistit të Man City.

Sulmuesi është i hapur për një largim nga Anglia, dhe është duke vlerësuar opsionet për të ardhmen.

26-vjeçari, ka kontratë me ‘Citizens’ deri më 30 qershor të vitit 2025, ndërsa çmimi i tij në treg llogaritet të jetë mbi 50 milionë euro.

Portugezi, sezonin e kaluar zhvilloi 45 paraqitje me fanellën e Cityt në të gjitha garat, duke realizuar pesë gola dhe nëntë asistime. /Lajmi.net/