Arijanet Muric nuk është bashkuar akoma me grupin e kombëtares.

Kombëtarja e Kosovës është grumbulluar në Prishtinë, para ndeshjeve të vlefshme për Ligën e Kombeve.

Sipas raportimeve të ‘Nacionale’, Aro Muric nuk është bashkuar akoma me grupin, përcjell lajmi.net. Portieri i Burnley do të jetë me vonesë, si pasojë e disa telasheve personale.

Portieri megjithatë pritet të jetë pjesë e grupit në vazhdim, dhe nuk do ta humb të gjithë pjesën e mbetur të kampanjës.

Grumbullimi i kombëtares së Kosovës ka filluar të hënën. Lojtarë të ndryshëm kanë ardhur gjatë ditës së sotme.

Kujtojmë se përveç Aro Muric, të ftuar në repartin e portës janë edhe Visar Bekaj e Samir Ujkani. /Lajmi.net/