Trajneri i Real Madridit, Carlo Ancelotti, ka thënë se Manchester City duhet të konsiderohet favorit për të fituar Ligën e Kampionëve këtë sezon.

City fitoi sezonin e kaluar titullin e tyre të parë në Ligën e Kampionëve duke mposhtur Interin 1-0 në finale.

Madridi, i cili e ka fituar këtë garë 14 herë, përfshirë pesë herë në dekadën e fundit, nis fushatën e tyre 2023-24 duke pritur në Bernabeu kundërshtarët e Grupit C, Union Berlin, të mërkurën.

“Unë mendoj se City është favorit”, tha Ancelotti në një konferencë për shtyp të martën.

“Ata kanë një skuadër që ua mundësoi ta fitonin vitin e kaluar, gjë që nuk ka ndryshuar shumë. Gjithmonë ka surpriza, mbi të gjitha në fazat e fundit, por tani City mund të konsiderohet si favorit.”

Grupi i Madridit do t’i shohë ata të përballen me Napolin, Braga dhe Union Berlin teksa kërkojnë të arrijnë në raundin tjetër.