Policia e Kosovës, në bashkëpunim me Prokurorinë Speciale, ka zhvilluar një aksion mëngjesin e sotëm në Kaçanik, duke shoqëruar disa persona të dyshuar si pjesë e grupit “Rinia Islame në Kaçanik”, që dyshohet për shpërndarje të thirrjeve me motive fetare.

Klankosova.tv mëson se njëri nga të shoqëruarit është vëllai i njërit prej të dyshuarve për vrasjen e rreshterit Muhamed Lika më 1 prill.

Policia ka bastisur edhe shtëpinë e Elmedin Rakës, i cili më herët ishte shpallur i pafajshëm për rastin e djegies së Degës së Gjykatës në Kaçanik.

Në paraburgim janë dërguar gjashtë persona: Haki Bela, Diamant Gashi, Rilind Murati, Vatan Çaka, Edmond Lika dhe Shkëlqim Kuka, nën dyshimin për përfshirje në organizimin dhe vrasjen e rreshterit Lika.