Ylli i Napoli pëlqehet shumë nga dy gjigantët e La Liga, Real Madrid dhe Barcelona, të cilat me shumë gjasë do të tentojnë gjatë verës për lojtarin.

Rrugën për këto dy skuadra e ka hapur edhe agjenti i Fabian, Alvaro Torres, i cili ka thënë se bisedimet me Napoli mund të presin, duke iu dhënë kështu prioritet gjërave të tjera.

“Një rinovim? Ne duhet të lëmë anash negociatat për pak kohë, deri në fund të sezonit. Ka klube të rëndësishme që kanë kërkuar informata dhe ne jemi gati të njoftojmë Napolin” ka thënë agjenti i Fabian, transmeton lajmi.net.

“Nuk ka klauzolë në kontratën aktuale. Nuk e di çfarë vlere paraqet Ruiz aktualisht” ka shtuar Torres.

Mbetet të shihet se cilat tashmë do të jenë lëvizjet e Real Madrid dhe Barcelonës, për mesfushorin spanjoll që luan me Napoli, Fabian Ruiz. /Lajmi.net/