Bale, gjatë gjithë merkatos së janarit është lidhur me një rikthim të mundshëm te Tottenham Hotspur, por një lëvizje e tillë nuk ndodhi.

Dhe, për t’u bërë edhe më keq për Spurs, së fundmi disa fjalë ka folur edhe agjenti i Bale, i cili ka bërë të ditur se një rikthim i uellsianit në Londrën Veriore vështirë se do të ndodh.

“Gareth është shumë i lumtur atje. Dhe të tregohemi real: për disa skuadra, ai është larg niveleve të tyre, financiarisht” ka thënë Barnett, transmeton lajmi.net.

“Është lehtë të thuhet ‘heq dorë nga paratë dhe shko luajë diku tjetër’, por nuk është gjithçka te paratë. Është rreth stilit të jetesës dhe familjes e fëmijëve të tij që u rritën në Madrid” ka shtuar agjenti, duke shuar shpresat e Spurs, për një rikthim të mundshëm.

Gareth Bale ka bërë të ditur disa ditë më parë se do të qëndrojë te Real Madrid deri në fundin e kontratës së tij, edhe nëse nuk ka minuta në dispozicion. /Lajmi.net/