Partitë politike tashmë kanë nisur prezantimin e projekteve të tyre në kuadër të planit qeverisës para zgjedhjeve të përgjithshme të 9 shkurtit.

Kryetari i LDK-së, Lumir Abdixhiku përmes një postimi në Facebook ka njoftuar qytetarët e Kosovës planet për projektet që partia e tij synon t’i realizojë, e të cilat kapin shifrën e 5 miliardë eurove, transmeton lajmi.net.

“Këto janë disa nga zotimet tona të Programit ‘Rruga e Re’. Nga Spitali i Ri, tek Stadiumi Kombëtar e Palestra e Sporteve, nga Qendra e Skijimit në Brezovicë tek Teatri Kombëtar, nga Centrali i Ri me Gaz, tek Unaza e Jashtme e Kryeqytetit; Gaming Hall, Teatri i Operas e Baletit, magjistralet rajonale, Parku Teknologjik e Qendra Kombëtare për Intelegjencë Artificiale.5 miliardë euro investime!

Cili nga këto projekte është më i nevojshmi për ju?”, ka shkruar ai./Lajmi.net/

/Lajmi.net/