A po mbetet bota pa kafshë? Numri i gjirafave është zvogëluar për 40 për qind, shumica prej tyre vriten nga gjuetarët

Gjatë javës së kaluar është shënuar dita e gjirafës në mbarë botën.

Fun

04/07/2020 14:00

Gjirafat e mëdha nuk janë preja e preferuar e kafshëve tjera, por të vegjlit e tyre po.

Statistikat tregojnë se 75 për qind e gjirafave të vogla e pësojnë nga luanët, leopardët, hienat, qentë e egër dhe krokodilët. E gjirafat e mëdha janë shumë të pëlqyera nga njerëzit.

Edhe pse në natyrë përqindja e vdekjeve të gjirafave të vogla është shumë e madhe, ky fakt nuk ka kontribuar në rënien e numrit të tyre.

Kjo specie është në rënie për shkak të ndikimit të faktorit njeri, transmeton Telegrafi. Banorët lokal shpesh i shfrytëzojnë për punë të ndryshme, e kontribut të madh japin edhe gjuetarët që i vrasin në mënyrë të kundërligjshme.

Gjatë dekadave të fundit numri i gjirafave është zvogëluar për 40 për qind. Në vitin 1999 në botë ishin 140 mijë, ndërsa sot vetëm 80 mijë.

Në shtatë vende afrikane, gjirafat po zhduken. Dy lloje të gjirafave edhe zyrtarisht janë futur në listën e specieve që janë në zhdukje. Në tërë botën ekzistojnë katër lloje të gjirafave.