A do të jetë Arben Vitia pjesë e Kuvendit Komunal të Prishtinës? Flasin nga VV

17:59 | 7 Dhjetor 2021

Asamblisti i Lëvizjes Vetëvendosje në Prishtinë, Berat Lahu ka konfirmuar se Arben Vitia do të japë dorëheqje nga pozita e asamblistit në Prishtinë.

Lahu tha në T7 se ai do të zëvendësohet nga kandidati që ka marr më shumë vota në zgjedhjet e tetorit.

“Z. Vitia nuk do të jetë pjesë e Asamblesë. Ai do të zëvendësohet nga kandidati që është në radhë dhe kemi diskutuar këtë dhe kemi ardhur në konkludimin që është më mirë që ta kemi dikë tjetër aty. Secili asamblist i VV-së që është aty e bënë punën njësojë mirë kështu që nuk paraqet ndonjë dallim”, ka thënë Lahu.