Teksa po viziton biznese, po takohet me sportist dhe personalitete të tjera, Kryeministri dhe njëherësh kryetari i PDK-së, Hashim Thaçi nuk po shoqërohet as nga zëvendësi i tij në parti, Kadri Veseli e as nga zëvendësi i tij në Qeveri, Hajredin Kuçi.

Zëvendëskryeministri Hajredin Kuçi  ka thënë për “Zëri” se të gjithë e përkrahin Thaçin por se kushdo që është përkrahë tij, bie “nën hije”.

“E ka përkrahjen e plotë të të gjithë anëtarëve të partisë, por cilido që jemi pranë biem nën hijen e tij. Ai është i pakontestueshëm”.

Por, një arsye tjetër jep analisti politik Halil Matoshi. Ai thotë se në këtë periudhë që po gjindet Kosova, para themelimit të Tribunalit, ka “nxjerrë nga loja” shumicën e njerëzve të fuqishëm të PDK-së që kanë qenë në luftë.

Ai mendon se Kadri Veseli ende nuk ka krijuar profilin e tij politik për të joshur masën dhe se mendon se Thaçi është i vetmi që tash për tash ka mbështetjen e ndërkombëtarëve.

“Kosova është në një situatë delikate, pasi që është para themelimit të Tribunalit të luftës, që praktikisht i ka nxjerrë nga loja shumicën e njerëzve të fuqishëm të PDK-së me pedigre të luftës së fundit”.

“Pra, për momentin i vendi që ende ka mbështetje ndërkombëtare, por edhe në shumë zona brenda Kosovës është Thaçi. Kështu,zëvendësi i tij ende nuk e ka krijuar profilin e tij politik për t’i joshur votuesit e rinj të PDK-së”, ka thënë për “Zëri”, analisti Halil Matoshi.