Dardan Berisha është shpallur basketbollisti i javës në Ballkan Ligë nga Eurobasket.com për xhiron e 16’të.

25-vjeçari realizoi 25 pikë, shtatë kërcime dhe tri asistime në fitoren e Sigal Prishtinës ndaj Kozuvit me rezultat 68:58 të mërkurën. Skuadra nga kryeqyteti është në pozitën e dytë në Ballkan Ligë.

Sigal Prishtina do të kishte pozicionim edhe më të mirë nëse nuk do të pësonte tri disfata të njëpasnjëshme si mysafire, mirëpo me fitoren e së mërkurës e përmirësoi bilancin në 9-5.

Berisha është shndërruar në basketbollistin kryesor të Sigal Prishtinës në edicionin e tij të parë me ekipin pas transferimit nga Peja.

Berisha ka statistika të jashtëzakonshme. Ai është realizatori më i mirë i ligës me 18.5 pikë për ndeshje.