Këngëtarja e njohur Shkurte Fejza ka sjellë projektin e saj më të ri muzikor në bashkëpunim me vajzën e saj, Gresën.

Dueti mban titullin “Nënat Tona” dhe i kushtohet sakrificës së nënave shqiptare që humbën djemtë e tyre gjatë luftës, transmeton lajmi.net.

Projekti është publikuar i shoqëruar me videoklip, ndërsa për tekstin dhe muzikën është kujdesur kompozitori Ilir Berani.

Përmes kësaj kënge, Shkurte Fejza dhe Gresa sjellin një dedikim për dhimbjen, sakrificën dhe qëndresën e nënave që përjetuan humbjen e më të dashurve të tyre gjatë luftës./lajmi.net/