Behar Preniqi është liruar nga burgu në Serbi, pas më shumë se një viti qëndrimi në paraburgim, duke i dhënë fund pritjes së gjatë të familjarëve të tij për kthimin në shtëpi.

Lajmin për lirimin e tij e kanë bërë të ditur familjarët përmes një postimi në rrjetin social Facebook, ku kanë ndarë gëzimin për këtë zhvillim dhe emocionet për rikthimin e tij në mesin e familjes, transmeton lajmi.net.

“Ditë feste për familjen tonë, lirohet nga burgu i Serbisë vëllai ynë, Behar Preniqi. E presim me padurim ardhjen e tij”, kanë shkruar familjarët.

Preniqi ishte arrestuar më 5 gusht 2025 nga autoritetet serbe në pikën kufitare të Bajakovës, në kufirin mes Kroacisë dhe Serbisë, teksa po udhëtonte nga Gjermania drejt Kosovës.

Arrestimi i tij ishte bërë nën pretendimet se kishte qenë pjesëtar i Ushtrisë Çlirimtare të Kosovës (UÇK), pretendime të cilat në atë kohë ishin mohuar nga një familjare e tij.

Lirimi i Preniqit shënon fundin e një periudhe të gjatë pritjeje për familjen e tij, e cila tashmë pret rikthimin e tij në shtëpi./lajmi.net/