Një shtetas i Algjerisë dyshohet se ka sulmuar fizikisht një shtetas të Turqisë në Qendrën e Azilit në Magure të Lipjanit.

Sipas raportit 24-orësh të Policisë së Kosovës, rasti ka ndodhur më 19 tetor, rreth orës 18:30, ndërsa i dyshuari dyshohet se ishte nën ndikimin e alkoolit.

“Është raportuar se në Qendrën e Azilit, i dyshuari mashkull shtetas algjerian, nën ndikim të alkoolit e ka sulmuar fizikisht viktimën mashkull shtetas të Turqisë me qëndrim të përkohshëm në këtë qendër”, thuhet në raportin e Policisë.

Viktima është dërguar në Qendrën Klinike Universitare të Kosovës (QKUK), në Prishtinë, për trajtim mjekësor.

Ndërkaq, i dyshuari është arrestuar dhe, me vendim të prokurorit, është dërguar në mbajtje. /Lajmi.net/