Një person është arrestuar në Prishtinë pasi dyshohet se ka goditur me thikë një person tjetër.

Rasti ka ndodhur më 18 shtator, rreth orës 22:00, në rrugën “Bill Klinton”.

Sipas raportit 24-orësh të Policisë së Kosovës, i dyshuari është arrestuar më 19 shtator.

“Me datë 19.09.2026 është arrestuar i dyshuari mashkull kosovar (m/k) pasi që i njëjti ka goditur me thikë viktimën m/k. Viktima ka pranuar tretman mjekësor”, thuhet në raport.

I dyshuari, pas intervistimit, me vendim të prokurorit është dërguar në mbajtje. /Lajmi.net/