Mbi 1.1 milionë euro do të shpenzohen për furnizimin me Enoxaparinë për nevojat e Shërbimit Spitalor dhe Klinik Universitar të Kosovës (SHSKUK).

Sipas njoftimit për dhënie të kontratës nga E-prokurimi, SHSKUK-ja ka zhvilluar procedurën për “Furnizim me Enoxaparin nga LE për nevojat e SHSKUK-së – 023”, e ndarë në dy lote, për të cilat janë lidhur dy kontrata.

Vlera e përgjithshme e të dy kontratave arrin në 1,118,436.66 euro.

Mbi 1.1 milionë euro do të shpenzohen për furnizimin me Enoxaparinë për nevojat e Shërbimit Spitalor dhe Klinik Universitar të Kosovës (SHSKUK).

Sipas njoftimit për dhënie të kontratës nga E-prokurimi, SHSKUK-ja ka zhvilluar procedurën për “Furnizim me Enoxaparin nga LE për nevojat e SHSKUK-së – 023”, e ndarë në dy lote, për të cilat janë lidhur dy kontrata.

Vlera e përgjithshme e të dy kontratave arrin në 1,118,436.66 euro.

Kontrata e parë ka vlerën prej 930,996.96 euro, ndërsa kontrata e dytë kap shumën prej 187,439.70 euro.

Në dokumentet e tenderit, vlera e parashikuar fillimisht për procedurën ishte 1,122,519.98 euro.

Operatori ekonomik i përmendur në dokumentacion si fitues është kompania “Liri-Med”, ndërsa marrëveshja kornizë është paraparë të zgjasë 24 muaj.

Enoxaparina është ilaç antikoagulant, i njohur edhe si “hollues gjaku”. Ajo përdoret për parandalimin dhe trajtimin e mpiksjeve të gjakut, veçanërisht te pacientët që kanë rrezik për trombozë. Përdorimi i saj është i zakonshëm në spitale, përfshirë rastet pas ndërhyrjeve kirurgjikale dhe te pacientët me probleme të caktuara të zemrës apo qarkullimit të gjakut.

Në total, dy kontratat për furnizimin me këtë ilaç kapin vlerën prej 1,118,436.66 euro, ndërsa furnizimi është planifikuar të realizohet gjatë periudhës dyvjeçare të marrëveshjes.