Përfaqësuesja e Britanisë së Madhe në Këshillin e Sigurimit ka kërkuar njohjen e Kosovës.

Ajo tha se marrëveshjet duhet të zbatohen dhe Radoiçiqi duhet të vihet para përgjegjësisë për Banjskën.

“Vazhdojmë t’iu bëjmë thirrje Kosovës dhe Serbisë që të implementojnë marrëveshjet ekzistuese dhe t’i zgjidhin mospajtimet përmes dialogut të BE-së”, ka thënë ajo.

“Pas më shumë se dy vitesh nga sulmi në Banjska ne përsërisim thirrjen tonë për Serbinë që të vë para përgjegjësië autorët, përfshirë Radojicicin”, ka thënë më tutje.