Ish-kryenegociatorja për dialogun Kosovë–Serbi, Edita Tahiri, ka komentuar heqjen e pjesshme të sanksioneve të Bashkimit Evropian ndaj Kosovës, duke thënë se vendi vazhdon të jetë i ndëshkuar për shkak të dështimeve të qeverisë së kaluar.

Sipas saj, Kosova mund të shpëtojë nga kjo situatë vetëm përmes ndryshimit që mund të vijë nga zgjedhjet e 28 dhjetorit, raporton lajmi.net

“Gjysma e sanksioneve u hoqën nga BE-ja – Kosova vazhdon e ndëshkuar, e dëmtuar për shkak te dështimeve të qeverisë së kaluar – vetëm ndryshimi që mund të vjen nga zgjedhjet e shpëton Kosovën nga kjo situate fatkeqe”, ka shkruar Tahiri./Lajmi.net/