Mihali pasi mashtroi militantët me “Listën Serbe”, i qet në Facebook emrat e gjyqtarëve të Gjykatës Supreme
Koordinatorja e komiteteve të Lëvizjes Vetëvendosje, Dejona Mihali ka vazhduar avazin e saj për t’i publikuar emrat e gjyqtarëve e prokurorëve të Kosovës, në raste të ndryshme e në vendime të cilat merren në kuadër të gjyqësisë. Pasi Supremja mori vendim që të hedh poshtë ankesën e Sami Kurteshit e Alban Krasniqit nga Vetëvendosje për…
Lajme
Koordinatorja e komiteteve të Lëvizjes Vetëvendosje, Dejona Mihali ka vazhduar avazin e saj për t’i publikuar emrat e gjyqtarëve e prokurorëve të Kosovës, në raste të ndryshme e në vendime të cilat merren në kuadër të gjyqësisë.
Pasi Supremja mori vendim që të hedh poshtë ankesën e Sami Kurteshit e Alban Krasniqit nga Vetëvendosje për Listën Serbe, Mihali reagoi edhe këtë herë në drejtim të gjykatësve.
Pasi deri tani u tentua që publiku të “mashtrohet” se Lista Serbe po hiqet nga pjesëmarrja në zgjedhjet lokale, e më pas ku Supremja qartësoi se Kurteshi e Krasniqi nuk ishin palë në këtë kontest dhe se ankesa e tyre nuk mund të trajtohej juridikisht pasi kontesti është ndërmjet KQZ e PZAP-së, Mihali hodhi në Facebook emrat e mbiemrat e gjyqtarëve.
E natyrisht se këta emra u publikuan që të “mbahen mend” nga militantët e Vetëvendosjes.
Reagimi i plotë:
GJYKATA SUPREME E KOSOVËS, kolegji i përbërë nga gjyqtarët: Lumni Sallauka kryetar i kolegjit, Rrustem Thaqi dhe Muhamet Rexha anëtarë kanë vendosur si më poshtë:
- Aprovohet e bazuar ankesa e subjektit politik “Lista Serbe”, me seli në Komunën e Mitrovicës së Veriut, e paraqitur kundër vendimit të Komisionit Qendror të Zgjedhjeve (KQZ), me nr. Protokolli 01/2215/2025, i datës 21.08.2025, për shkak të mos certifikimit të Listës së kandidatëve për Asamble Komunale dhe kandidatëve për Kryetar të Komunës së subjektit politik Lista Serbe, për pjesëmarrje në Zgjedhjet Lokale të Republikës së Kosovës që do të mbahen me datë 12 Tetor 2025.
- Anulohet vendimi i Komisionit Qendror Zgjedhor (KQZ), me nr. Protokolli 01/2215/2025, i datës 21.08.2025, Urdhërohet Komisioni Qendror i Zgjedhjeve (KQZ), që të certifikojë subjektin politik Lista Serbe me listën e kandidatëve për Asamble Komunale dhe kandidatëve për Kryetar të Komunës të këtij subjekti politik, sipas Rekomandimit të Zyrës për Regjistrim, Çertifikimin dhe Kontrollin Financiar të subjekteve politike të KQZ-së, i datës 21.08.2025, për pjesëmarrje në Zgjedhjet Lokale të Republikës së Kosovës që do të mbahen me datë 12 Tetor 2025.
