Një aksident i rëndë trafiku ndodhi sot në rrugën Prishtinë -Podujevë.

Si shkak i këtij aksidenti humbi jetën një person dhe u lënduan katër të tjerë.

Lajmi është bërë i ditur nga zëdhënësja e policisë për rajonin e Prishtinës, Flora Ahmeti.

“Sot rreth orës 14:00 në rrugën Prishtinë-Podujevë, ka ndodhur një aksident trafiku mes dy automjeteve (një veturë dhe një traktor). Si pasojë e aksidentit në vendin e ngjarjes ka humbur jetën një person dhe janë lënduar katër të tjerë”, ka konfirmuar ajo.

Ahmeti tha se personat e lënduar janë dërguar për tretman mjekësor ,derisa me rastin po merret Njësit i Trafikut./Lajmi.net/