Mbi tre hektarë me pisha janë djegur nga një zjarr që ka kapluar për më shumë se 24 orë Parkun e Pishave në Sllatinë.

Krejt kjo si pasojë e flakëve që u përhapën nga pakujdesia e një qytetari.

Kështu ka konfirmuar drejtori i zjarrfikësve, Malë Gashi.

Gashi tha se kanë angazhuar ekipe shtesë për shkak të sipërfaqes së madhe që është përfshirë nga zjarri.

“Po, në ora 09:30 është pranuar informata për zjarr në Parkun e pishave në Sllatinë. Ekipi i zjarrfikësve ka dalë menjëherë në vendin e ngjarjes, ku ishte e përfshirë nja sipërfaqe e madhe nga zjarri. Kemi angazhuar personel shtesë pra 10 persona”, tha Gashi.

Derisa mbikëqyrësi i parkut, Agim Shishani, tha se zjarri është nën kontroll nga zjarrfikësit e Fushë-Kosovës, që ujin po e bartin me shpinore.

Ndërkohë, janë kontaktuar edhe ekipet e zjarrfikësve nga komunat e tjera për të qëndruar në gatishmëri nëse do të ketë shpërthim të madh të flakëve.