Të shtëna me armë zjarri raportohet të ketë pasur mbrëmë në fshatin Begrac të Kaçanikut.

Policia e Kosovës ka njoftuar se zyrtarët policorë gjatë patrullimit në këtë fshat kanë dëgjuar të shtëna armësh nga një aheng familjar.

Në vendngjarje është identifikuar personi F. S., 35 vjeç, i cili ka pranuar se kishte shtënë me armë zjarri, të cilën e kishte me leje.

Me këtë rast, policia ka njoftuat se arma është konfiskuar (pa municion) kurse i dyshuari është shoqëruar në stacionin policor për intervistim nga njësia e hetimeve.

Lidhur me rastin është njoftuar prokurori i shtetit, i cili ka udhëzuar të iniciohet rasti për veprën penale “Përdorim i armës apo mjetit të rrezikshëm”. Pas intervistimit, personi është liruar, ndërsa rasti do të procedohet në mënyrë të rregullt./Lajmi.net/