Një person është arrestuar në pikë kalimin kufitar të Dheu i Bardhë, për shkak se i ofroi 20 euro ryshfet zyrtarëve policorë.

Policia ka bërë të ditur se i dyshuari këtë veprim e bëri për t’iu shmangur pagesës së sigurimit të automjetit që kishte me targa të huaja.

“Është arrestuar i dyshuari kosovar pasi i njëjti  “në hyrje” gjatë kontrollit të dokumentacionit  nga zyrtarët policor me qëllim të shmangies nga pagesa e sigurimit të automjetit (me targa të huaja) në BKS, zyrtarëve policor u ka ofruar para të gatshme 20 € në formë ryshfeti”, thuhet në raportin 24-orësh.

Me vendim të prokurorit, i dyshuari pas intervistimit është dërguar në mbajtje.