Trupi i pajetë i një personi u gjet në zonën e parkimit poshtë “Stadio Diego Armando Maradona” pas derbit mes Napolit dhe Milanit në Serie A.

La Gazzetta dello Sport detajon se si trupi i një 42-vjeçari u zbulua në zonën e parkimit poshtë tribunave të mysafirëve të stadiumit gjatë natës, përcjell lajmi.net.

Një mik i viktimës i tha policisë se të dy ishin futur në stadium përmes një tuneli, duke u përpjekur të arrinin në tribunë pa një biletë për ndeshjen.

Viktima, nga Bacoli, në provincën e Napolit, shkoi së pari dhe u ngjit në përpjekje për të hyrë në stadium, por ra nga një lartësi prej rreth 20 metrash në tokë.

Hyrja e shokut të tij u bllokua nga një tra i rënë dhe ai hoqi dorë nga përpjekjet për të hyrë.

Në fushë, Napoli barazoi 2:2 me Milanin, me golat e Olivier Giroud, Matteo Politano dhe Giacomo Raspadori./Lajmi.net/