Hendbollisti i klubit të Mitrovicës, Kushtrim Kastrati ka njoftuar pensionimin.

Lajmin e ka bërë të ditur vetë klubi i Trepçës, transmeton lajmi.net.

Ai i dha fund karrierës së tij pas finales historike ndaj Besa Famgas.

Më poshtë lajmi.net jua përcjellë njoftimin e klubit mitrovicas:

“Faleminderit Kushtrim Kastrati

Në ndeshjen historike të finales së Kupës së Kosovës, Kushtrim Kastrati ka vendosur t’i jap fund karrierës si hendbollist.

Familja e madhe Trepça e falënderon Kushtrimin për kontributin e madh që ka dhënë për klubin tonë. Kushtrimi ishte pjesë e jona në disa periudha, ndërsa është dalluar me përkushtim, sjellje të mira dhe angazhim për ngjyrat e skuadrës. Lëndimet e kanë penguar shumë së fundi, por megjithatë është angazhuar maksimalisht dhe ka kontribuuar në sukseset e skuadrës.

Kushtrimi do të jetë edhe më tutje pjesë e jona, pjesë e familjes Trepça. Ai i jep fund karrierës si fitues i Kupës së Kosovës.

FALEMINDERIT KUSHTRIM KASTRATI”./Lajmi.net/