Lideri i Premier Ligës, Arsenali e regjistroi dje humbjen e dytë në kampionatin anglez.

“Topçinjtë” u mposhtën nga skuadra e Evertonit, e cila ishte në ndeshjen e parë nën urdhrat e trajnerit të ri, Sean Dyche, transmeton lajmi.net.

Evertoni e mposhti Arsenalin me rezultat minimal 1:0, ku golin e vetëm të ndeshjes e shënoi mbrojtësi anglez, James Tarkowski.

Pas ndeshjes, Arteta tregoi se pas humbjes kishte shprehur dashuri ndaj lojtarëve të tij.

“Vetëm iu thash lojtarëve se unë i dua më shumë tani, se sa i doja javën e kaluar dhe muajin e kaluar”, tha spanjolli.

Kujtojmë që dje ishte vetëm humbja e dytë e Arsenalit, pasi më parë u mposhtën 3:1 nga Man United./Lajmi.net/