Thomas Partey është i lënduari i radhës në Arsenal.

Mbrëmë Arsenali udhëtoi në ‘Etihad’ për t’u përballur me Man City në kuadër të FA Cup.

Përveç që ata u mposhtën 1:0 nga kampioni në fuqi i Anglisë, morën edhe një lajm aspak të mirë.

Në atë përballje pësoi lëndim edhe ylli i mesfushës së ‘Topçinjve’, Thomas Partey.

Ganezi u zëvendësua në pjesën e dytë nga Albert Sambi Lokonga.

Lidhur më gjendjen e 29 vjeçarit dha informacione edhe trajneri, Mikel Arteta.

“Ai kishte disa shqetësime dhe po bëhej gjithnjë e më keq.

Ai ishte i pakëndshëm për të vazhduar nesër do të bëjmë një skanim MRI dhe do të shohim se çfarë ka.

Është e vërtetë që Thomas është një ndikim i madh dhe një personalitet i madh dhe në pjesën e dytë ne nuk e patëm atë”, ishin fjalët e spanjollit.

Mbetet të shihet se sa gjatë do të mungojë mesfushori në këtë periudhë të rëndësishme për Arsenalin./Lajmi.net/