Eric Maxim Choupo-Moting pritet të marrë një ofertë të re nga Bayern Munich.

Sulmuesi i Bayern Munich, Eric Maxim Choupo-Moting është afër fundit të kontratës me Bayern, por klubi s’janë gati të ndajnë rrugët me të.

Drejtori sportiv i Bayern, Hasan Salihamidzic ka konfirmuar se bavarezët janë në bisedime për të gjetur një marrëveshje me lojtarin.

“Ne do të donim ta mbanim atë. Kam raporte të mira me agjentin e tij. Do të takohemi dhe të shohim nëse mund ta kënaqim. Ai është aset i madh për ne”, ka thënë Salihamidzic, përcjell lajmi.net.

“Ne jemi në kontakt dhe Choupo ndihet rehat në Mynih”, shtoi drejtori i Bayern.

Bayern pritet të jetë në kërkim të një sulmuesi të kalibrit më të lartë, por një lëvizje të tillë pritet ta bëjnë vetëm në verën e ardhshme. Deri atëherë, Choupo-Moting do të jetë alternativa e vetme për Julian Nagelsmann, kur flitet për ‘9’. /Lajmi.net/