Mbrojtësi i majtë i Bayern Munich, Alphonso Davies pritet të mungojë në Kampionatin Botëror.

Reprezentuesi kanadez në radhët e Bayern Munich është dashur të zëvendësohet gjatë fitores 2-3 ndaj Hertha Berlin për shkak të një lëndimi në zonën e kofshës dhe testet e para mjekësore janë të zymta për futbollistin 22 vjeçar.

Gjithçka tregon se dëmtimi do ta privojë atë të luajë në Botërorin e parë, transmeton lajmi.net.

Këtë e ka lënë të kuptohet Julian Nagelsmann, trajner i kampionit të Bundesligës, pas ndeshjes në Berlin. “Sipas doktorit, të paktën është një thyerje fibrash. Do të duhet të shohim se çfarë do të dalë nesër”, e bëri të qartë trajneri.

Do të jetë në kryeqytetin bavarez ku Davies do t’i nënshtrohet më shumë testeve të dielën që do të përfundojnë duke përcaktuar shkallën e vërtetë të lëndimit dhe kohën e saktë që ai do të mungojë.

Për 22 vjeçarin do të ishte një mëkat i vërtetë të mos ishte në gjendje të ishte në Katar duke marrë parasysh se ishte çelësi për ekipin kanadez që të kualifikohej në një Kupë Botërore për herë të parë pas 36 vitesh.

Departamenti mjekësor i Bayernit do të bëjë gjithçka që ai të përmbushë ëndrrën e tij, por me pak më shumë se dy javë deri në Kupën e Botës, gjithçka tregon se Davies do t’i mungojë Kanadasë./Lajmi.net/