Champions League vijon këtë të martë me ndeshje interesante në kuadër të fazës së grupeve.

Përballjet do të fillojnë prej orës 18:45, kur Chelsea i shkon Salzburgut dhe Sevilla e pret Copenhagen.

Gjithsesi, këto dy sfida do të jenë vetëm “nxemje” për futbolldashësit, pasi në orën 21:00 luajnë favoritët e këtij kompeticioni.

Përballja më interesante pritet të jetë ajo në mes të Dortmundit dhe Manchester Cityt, që pritet të vendosë shumëçka në lidhje me kreun e grupit.

“Qytetarët” janë duke kaluar nëpër një formë fantastike, mirëpo përballë kanë një kundërshtar aspak të përshtatshëm, siç janë “verdhezinjtë”.

Takimi i parë në mes tyre në “Etihad Stadium” përfundoi 2-1 në të mirë të skuadrës së Guardiolas, që synojnë ta përsërisin edhe sonte një sukses të tillë.

Ndeshje tjetër intersante pritet të jetë edhe ajo në mes të Leipzig dhe Real Madridit që luhet në të njëjtën kohë.

Më poshtë gjeni të gjitha sfidat e sontme. /Lajmi.net/