Trajneri i skuadrës së Bayern Munich, Julian Nagelsmann, është ankuar për çmimin e lartë të sulmuesit të Tottenham Hotspur, Harry Kane.

Tekniku, ndër të tjera, tha se anglezi është lojtar i mirë, mirëpo me këtë kosto është vështirë të blihet.

“Është shumë i shtrenjtë. Ai është shumë i fortë me topin, luan shumë mirë, por kjo shifër është e vështirë. Të shohim se ç’do të ndodhë në në të ardhmen”, tha ai, transmeton lajmi.net.

Gjermani gjithashtu foli edhe për Pavard, i cili po përflitet se do të largohet nga “Allianz Arena”.

Ish-timonieri i Leipzig tha se e duan në skuadër francezin, përkundër këtyre zërave që e largojnë nga klubi.

“Dua që ai të qëndrojë. Dua ta mbaj atë”, përfundoi 35-vjeçari. /Lajmi.net/