Oliver Kahn ka folur për transferet e mundshme që skuadra e tij, Bayern Munich, pritet t’i bëjë në këtë merkato.

Bavarezët së fundi morën Matthijs de Ligt nga Juventusi, por nuk e kanë ndërmend të ndalen me kaq.

Një çështje e nxehtë tashmë është reparti ofanziv, për të cilin kampionët gjermanë janë në telashe pas largimit të Robert Lewandowskit, transmeton lajmi.net.

Një alternativë udhëheqësin e vijës së fundit u mendua Cristiano Ronaldo, për të cilin ish-portieri ka një përgjigje jo fort të përcaktuar.

Ai në intervistën e fundit nuk u pyet fare për lojtarin, por e përmendi atë përgjatë kohës që po përgjigjej për ardhjet potenciale ditëve në vijim.

“Ju do të më pyesni edhe për Ronaldon, apo jo? (Qesh) Ne jemi ende aktivë në merkato dhe jemi në bisedime për shumë lojtarë”, u shpreh ai.

Rikujtojmë se ditë më parë,  i njëjti refuzoi të thotë se klubi i tij është në bisedime me portugezin, por tani duket se gjërat kanë ndryshuar. /Lajmi.net/