Italia në këtë edicion të ri të Ligës së Kombeve kanë fituar një ndeshje, ndërsa dy të tjera janë ndarë baras.

Në tri takimet e zhvilluara ‘Azzurrët’ kanë shënuar vetëm tri gola.

Mungesën e shënimit të golave e ka komentuar edhe trajneri italian, ku pas barazimit 0:0 ndaj Anglisë tha se kanë pasur paraqitje të mirë, por duhej të shënonin.

“Bëmë një ndeshje të mirë, por duhet të shënojmë gola”, tha fillimisht Mancini, përcjell lajmi.net.

Trajneri gjithashtu tha se kishin mundësi më të mira se anglezët, por u mungoi konkretizimi.

“Kemi pasur mundësi më të bujshme se ata, bëmë një ndeshje të mirë dhe nuk ishte e thjeshtë. Duhet të përmirësohemi shumë – duhet të shënojmë. Nuk duhet të gabojmë, për këtë duhet të përmirësohemi”, përfundoi italiani.

Kombëtarja e Italisë gjenden në vendin e parë të grupit të tretë në Ligën A me pesë pikë të grumbulluara./Lajmi.net/