Lukaku u largua nga Interi në verë pas dy sezonesh në Milano, duke u rikthyer te Chelsea për një marrëveshje prej 115 milionë euro.

Agjenti i tij Federico Pastorello foli për gazetën ‘Tuttosport’ për karrierën e sulmuesit dhe atë që e ardhmja e rezervon yllin belg.

“Është lojtari më i mirë që kam, por nuk është ai që e kam marrë më lehtë”, tha Pastorello.

“Unë isha arkitekti i transferimit të Antonio Contes te Chelsea dhe pas triumfit në Premier Ligë ai donte Lukakun.

“Romelu po luante për Everton në atë kohë. E takova dhe i thashë se Conte do të kishte qenë trajneri ideal për të, por ai zgjodhi Manchester United.

“Pas një viti, pasi kishte lënë agjentin e tij të mëparshëm, më thirri me një numër të ri. Më tha se gjithçka që i kisha thënë herën e parë që u takuam, ishte bërë e vërtetë. Kështu që ai donte që unë të bëhesha agjenti i tij i ri.”

Lukaku kaloi dy sezone në Manchester United, duke shënuar 28 gola në 66 ndeshje.

Në verën e vitit 2019, si Juventusi ashtu edhe Interi donin ta nënshkruanin me të, por në fund, Nerazzurrët arritën të siguronin shërbimet e tij dhe Conte më në fund mund të luante me sulmuesin që dëshironte te Chelsea.

“Marrëveshja me Manchester United ishte në pritje sepse Zhang nuk donte të përmbushte kërkesat e United”, kujtoi Pastorello.

“United kishte një marrëveshje me Juventusin që do të kishte blerë Dybala dhe Mandzukic, Romelu kishte folur tashmë me Sarri dhe Cristiano Ronaldo.

“Ne ia dolëm ta bindnim Zhang-un të rriste ofertën dhe mendoj se transferimi i tij ndryshoi ekuilibrin në Itali, do të gjithë respekti për ish-shokët e tij të skuadrës”.

Lukaku nënshkroi një kontratë deri në qershor 2026 në Stamford Bridge, por a mund të kthehet në Itali një ditë?

“Po, Romelu është i dashuruar me vendin tonë,” pranoi Pastorello. “Por le ta shijojë Chelsean tani.”

28-vjeçari është përballur me një dëmtim në kyçin e këmbës këtë sezon dhe ka shënuar pesë gola në 15 paraqitje nën drejtimin e Thomas Tuchel. /Lajmi.net/