Juventusi synon transferimin e një ‘top’ sulmuesi
Gjiganti italian po mendon të përforcohet në repartin ofanzivë.
Sport
Sipas mediave italiane, Juventusi e ka bërë prioritet transferimin e një sulmuesi qendrorë verën e ardhshme, transmeton lajmi.net.
E ardhmja e Alvaro Moratas te ‘Bianconerët’ duket në dyshim, italianët paguan 20 milionë euro për huazimin e tij dhe duhet të shpenzojnë 35 milionë euro në fund të edicionit për blerjen e tij.
Megjithatë, “Zonja e Vjetër” e ka bërë prioritet transferimin e Mauro Icardit ose Dusan Vlahovic në vend të Moratas.
Të dy këta futbollistë pritet të jenë në merkato verën e ardhshme, dhe ekipi i Max Allegrit do të bëjë të pamundurën ta sjell në ekip njërin prej tyre.
Nëse Icardi ose Vlahovic do të bashkoheshin me Juventusin, nuk do të kishte hapësirë për Moratan dhe nuk do të shfrytëzohej e drejta e blerjes së kartonit të tij. /Lajmi.net/