Së fundi është raportuar se Atletiko Madrid janë shumë të interesuar për shërbimet e sulmuesit serb, Dusan Vlahovic.

Sidoqoftë tani raportet nga Italia theksojnë se klubi italian e ka refuzuar një ofertë nga klubi spanjoll.

Fiorentina ka refuzuar ofertën e Atletiko Madrid prej 60 milionë eurosh për Dusan Vlahovic, sipas ‘Sky Sport Italia’.

Skuadra e Serie A e vlerëson sulmuesin serb më shumë se kaq dhe i ka thënë Atletit që të rrisë ofertën e tyre, nëse duan shërbime e tij.

Kujtojmë që edhe Spurs janë në garë për Vlahovic, si një zëvendësues i mundshëm i Harry Kane nëse largohet nga klubi i ‘Spurs’. /Lajmi.net