Sipas të dhënave të fundit nga universiteti “John Hopkins”, SHBA ka raportuar 400,022 vdekje dhe më shumë se 24 milionë raste me të infektuar, njofton Klan Kosova.

Numri i vdekjeve dhe rasteve në SHBA është më i madh se në çdo vend tjetër të botës.

Joe Biden dhe Kamala Harris kanë planifikuar një ngjarje për të martën vonë në Washington për të nderuar viktimat e COVID-19.

Presidenti i zgjedhur është zotuar se do të vaksinojë 100 milionë qytetarë në 100 ditët e para të qeverisjes.

Biden ka marrë dozën e parë të vaksinës Pfizer muajin e kaluar duke thënë se e bëri në publik për të treguar se është “e sigurt për ta marrë”.